მილოშ მიხლოვსკი: "თუ ქართველ მეღვინეებს სურთ იყვნენ კონკურენტუნარიანები ევროპულ ბაზარზე, მათ უნდა მოახდინონ დივერსიფიკაცია" (იხილეთ ვიდეო ან წაიკითხეთ)

16.05.2024 (Caucasian Journal).  დღეს ჩვენი სტუმარი გახლავთ მეღვინეობის დარგის ერთ-ერთი წამყვანი ექსპერტი, დოქტორ მილოშ მიხლოვსკი. ის ამჟამად სტუმრობს საქართველოს და ინტერვიუზეც სიამოვნებით დაგვთანხმდა.  იხილეთ ვიდეო ინტერვიუ ქვემოთ, ან წაიკითხეთ სტატია:

▶ In English: ინგლისური ვერსია წაიკითხეთ აქ.

თუ გსურთ პირველმა იხილოთ ჩვენი ექსკლუზიური ვიდეოები, გთხოვთ გამოიწერეთ ჩვენი YouTube არხი 

იხილეთ ვიდეო ინტერვიუ ან წაიკითხეთ სტატია. 

მილოშ მიხლოვსკი: "თუ ქართველ მეღვინეებს სურთ იყვნენ კონკურენტუნარიანები ევროპულ ბაზარზე, მათ უნდა მოახდინონ დივერსიფიკაცია"

ალექსანდერ კაფკა, კავკასიური ჟურნალის მთავარი რედაქტორი: მოგესალმებით და კეთილი იყოს თქვენი მობრძანება კავკასიური ჟურნალის ვიდეო ინტერვიუებში! დიდი სიამოვნებით მივესალმებით მეღვინეობის დარგის ერთ-ერთ წამყვან ჩეხ ექსპერტს, დოქტორ მილოშ მიხლოვსკის. ის ამჟამად სტუმრობს საქართველოს და ინტერვიუზეც სიამოვნებით დაგვთანხმდა. ასევე მსურს მადლობა გადავუხადო ჩეხეთის საელჩოს თბილისში ამ შესაძლებლობისა და თარგმანის პროცესში დახმარებისათვის. დოქტორ მიხლოვსკი, კეთილი იყოს თქვენი მობრძანება საქართველოში. ეს თქვენი პირველი ვიზიტია საქართვლოში? რამ ჩამოგიყვანათ აქ?

მილოშ მიხლოვსკი: მსურს მოგესალმოთ მორავიული მისალმებით „კეთილი იყოს თქვენი მობრძანება ვენახში!“ საქართველოში პირველად არ ვიმყოფები. ჩემი პირველი ვიზიტი საქართველოში იყო 1970-იან წლებში სწავლის და დოქტორანტურის პერიოდში. ხშირად ჩამოვდიოდი, რადგან აქ ბევრი მეგობარი მყავდა. გასულ წლებში ჩვენ გვქონდა ორმხრივი თანამშრომლობითი პროექტები ჩეხეთსა და საქართველოს შორის, ვინაიდან ვცდილობთ გავაზიაროთ როგორც ევროკავშირში გაწევრიანებასთან დაკავშირებული საუკეთესო გამოცდილება, ასევე ყველა ნასწავლი გაკვეთილი. 

       

მარტინ სკალსკი: “აუცილებელია მოსახლეობის აქტიურობა და ცვლილებების მოთხოვნა” (იხილეთ ვიდეო ან წაიკითხეთ)

17.04.2024 (Caucasian Journal).  დღეს ჩვენი სტუმარი გახლავთ მარტინ სკალსკი, ჩეხური არასამთავრობო ორგანიზაციას „არნიკა“-ს თავმჯდომარე და მოქალაქეთა მხარდაჭერის ცენტრის ხელმძღვანელი.  ის კოორდინაციას უწევს მრავალ პროექტს გარემოს დაცვის სფეროში ყოფილი საბჭოთა კავშირისა და დასავლეთ ბალკანეთის ქვეყნებში. 

იხილეთ ვიდეო ინტერვიუ ქვემოთ, ან წაიკითხეთ სტატია

▶ In English: ინგლისური ვერსია წაიკითხეთ აქ.

თუ გსურთ პირველმა იხილოთ ჩვენი ექსკლუზიური ვიდეოები, გთხოვთ გამოიწერეთ ჩვენი YouTube არხი 

იხილეთ ვიდეო ინტერვიუ ან წაიკითხეთ სტატია. 

მარტინ სკალსკი:  “აუცილებელია მოსახლეობის აქტიურობა და ცვლილებების მოთხოვნა”

ალექსანდერ კაფკა, კავკასიური ჟურნალის მთავარი რედაქტორი: მოგესალმებით, კეთილი იყოს თქვენი მობრძანება კავკასიური ჟურნალის ვიდეო ინტერვიუებში.

ჩვენი დღევანდელი სტუმარია მარტინ სკალსკი, ჩეხური არასამთავრობო ორგანიზაციას „არნიკა“-ს თავმჯდომარე და მოქალაქეთა მხარდაჭერის ცენტრის ხელმძღვანელი. ის კოორდინაციას უწევს მრავალ პროექტს გარემოს დაცვის სფეროში ყოფილი საბჭოთა კავშირისა და დასავლეთ ბალკანეთის ქვეყნებში.

პეტრ სტუდნიჩკა: „ევროპული ინტეგრაცია განაპირობებს საქართველოში მეტ ტურისტს, ხანმოკლე მოგზაურობებსა და მაღალ მოთხოვნებს მომსახურების ხარისხზე“

10.04.2024 (Caucasian Journal). რას მოუტანს ევროკავშირში ინტეგრაცია ადამიანებსა და ინდუსტრიებს საქართველოში? ჩვენს ახალ ინტერვიუების სერიაში ევროკავშირის ექსპერტები სხვადასხვა სფეროდან იზიარებენ თავიანთ შეხედულებებს. დღევანდელი აქცენტი ტურიზმსა და სტუმართმოყვარეობაზეა.

ჩვენი დღევანდელი სტუმარია დოქტორი პეტრ სტუდნიჩკა, პრაღის საუნივერსიტეტო კოლეჯის სასტუმროებისა და ტურიზმის მართვის დეპარტამენტის ხელმძღვანელი. როგორც ტურიზმის სექტორის ერთ-ერთი წამყვანი ჩეხი ექსპერტი, ის გახლავთ ტურიზმის მეცნიერ ექსპერტთა საზოგადოების, ჩეხეთის რესპუბლიკის სასტუმროებისა და რესტორნების ასოციაციის, ჩეხეთის გასტრონომიული ინსტიტუტისა და ტურიზმთან დაკავშირებული სხვა ასოციაციებისა და ჟურნალების საბჭოს წევრი.

ასევე გვსურს მადლობა გადავუხადოთ City Hotels-ის დირექტორს, Tbilisi Chambers Trademark Collection by Wyndham-ს გენერალურ მენეჯერს ნინო ნებიერიძეს, კითხვებისა და კომენტარებისათვის, რაც დაგვეხმარა პროფესიონალებისათვის კიდევ უფრო ღირებული სტატიის შექმნაში.

▶ In English: ინგლისური ვერსია წაიკითხეთ აქ.

ალექსანდე კაფკა, კავკასიური ჟურნალის მთავარი რედაქტორი: ძვირფასო პეტრ, კეთილი იყოს თქვენი მობრძანება კავკასიურ ჟურნალში. როგორც ვიცი, უკვე ნამყოფი ხართ საქართველოში, რომელიც გასულ წელს გახდა ევროკავშირის წევრობის კანდიდატი ქვეყანა. ჩვენი ქვეყნისათვის ტურიზმი უმნიშვნელოვანესი დარგია. აქედან გამომდინარე, გვსურდა, ეს ინტერვიუ მიგვეძღვნა ჩეხური გამოცდილებისათვის, რომელიც მეტად აქტუალური ხდება ევროკავშირთან მომავალი დაახლოების თვალსაზრისით. თავდაპირველად მინდა დაგისვათ ზოგადი კითხვა: რა სარგებელს იღებენ ტურიზმზე ორიენტირებული ქვეყნები ევროკავშირში გაწევრიანებით?

პეტრ სტუდნიჩკა: ევროკავშირში გაწევრიანება პოზიტიურად აისახება ეკონომიკაზე. მოსახლეობის, საქონლის, მომსახურებისა და კაპიტალის თავისუფალი გადაადგილება სასარგებლოა ტურიზმის განვითარებისათვის. ეს წარმოადგენს დაახლოებით 450 მილიონ მოსახლეს მთლიან ბაზარზე. შენგენის ზონაში გაერთიანებას უაღრესად დადებითი გავლენა აქვს. ჩეხეთი ევროკავშირის წევრი ქვეყანა 2004 წელს გახდა, 2007 წელს კი შევუერთდით შენგენის ზონას. წინ გვაქვს ევროს მიღება და ევროზონაში შესვლა. ჩეხეთის რესპუბლიკას მოუწევს გარკვეული დროით ლოდინი, ეს იქნება პოლიტიკური გადაწყვეტილება. ევროკავშირში გაწევრიანებით სახელმწიფო ასევე იღებს ფინანსურ სახსრებს ევროკავშირის რესურსებიდან, რომელიც შესაძლებელია შეძლებისდაგვარად გამოყენებულ იქნას ტურიზმის მხარდასაჭერად (მაგ. საფრთხის ქვეშ მყოფ ტერიტორიებზე ტურიზმის განვითარება, ტურიზმის პროცესის გაციფრულება). 

ენდრიუ ჯუველ: "ჩვენ სსფ-ს პროგრამის გზაზე დაბრუნება გვსურს“

19.01.2024 (Caucasian Journal)  დღეს ჩვენი სტუმარია ენდრიუ ჯუველ (Andrew JEWELL) საერთაშორისო სავალუტო ფონდის (სსფ/IMF) მუდმივი წარმომადგენელი საქართველოში.

▶ In English: ინგლისური ვერსია წაიკითხეთ აქ. 

ალექსანდრე კაფკა, კავკასიური ჟურნალის მთავარი რედაქტორი: ბატონო ენდრიუ, გილოცავთ ახალ წელს და მოგესალმებით კავკასიის ჟურნალის სახელით.  მადლობა, რომ თქვენი დატვირთული განრიგის მიუხედავად ჩვენს მკითხველთან სასაუბროთ დრო მონახეთ. თქვენ სსფს მდმივ წარმომადგენლად საქართველოში გასული წლის აგვისტოში დაინიშნეთ. თქვენი წინა სამსახური - ბოსნია და ჰერცოგოვინა ასევე ახლოა ჩვენ რეგიონთან. საქართველოში თავს ისევ „ახლად“ გრძნობთ?  

ენდრიუ ჯუველ: მართალია ჩემი ჩამოსვლის შემდეგ ბევრი რამ მოხდა, დიახ, თავს ისევ „ახლად“ ვგრძნობ. საქართველოს ეკონომიკის საკითხების გარდა, ვეცნობი საქართველოს ისტორიას, ქვეყნის პოლიტიკურ დინამიკას, და გეოპოლიტიკურ კონტექტს. ვცდილობ ქართული ენის შესწავლას, რაც საოცრად საინტერესო და რთული აღმოჩნდა. 

ა.კ.: დიახ, ქართული ენის შესახებ გეთანხმებით... თქვენ დამთავრებული გაქვთ ჯონ ჰობკინსის უნივერსიტეტი, საერთაშორისო ურთიერთობების მიმართულებით და ასევე სორბონის უნივერსიტეტი, ასევე მრავალი წელი გიმუშავიათ საერთაშორისო სავალუტო ფონდში. თქვენი ცოდნა და გამოცდილება: კომპიუტერული მეცნიერებიდან პოლიტიკურ მეცნიერებამდე და გლობალურ ფინანსებამდე, ფაქტიურად უნიკალურია. თუ შეიძლება მოკლედ მოგვიყევით პირადად თქვენს და თქვენი პროფესიული ინტერესების შესახებ? ასევე, როგორ დაინტერესდით საქართველოთი? 

იაპონიის საგანგებო და სრულუფლებიანი ელჩი საქართველოში იშიძუკა ჰიდეკი „ორ ქვეყანას შორის პოლიტიკური და ეკონომიკური კავშირების გასაძლიერებლად ძალებს არ დავიშურებ“

Photo Embassy of Japan © 2023

21.12.2023 (Caucasian Journal)  კავკასიური ჟურნალისთვის განსაკუთრებული პატივია დღეს ესაუბროს მის აღმატებულება იშიძუკა ჰიდეკის, იაპონიის ახლად დანიშნულ ელჩს საქართველოში. მან დიპლომატიური მისია გასულ ივნისს დაიწყო.

▶ In English: ინგლისური ვერსია წაიკითხეთ აქ. 

ალექსანდრე კაფკა, კავკასიური ჟურნალის მთავარი რედაქტორი: თქვენო აღმატებულებავ, მოგესალმებით კავკასიურ ჟურნალში. თქვენი მოღვაწეობა დაიწყო ზაფხულში, შესაბამისად უკვე უნდა გქონდეთ მიღებული ადგილობრივი გამოცდილება. ხომ არ გაგვიზიარებდით სამ შთაბეჭდილებას საქართველოში, რომელსაც არ ელოდით და გაგაოცათ?

ელჩი იშიძუკა ჰიდეკი: ჩემი პირველი შთაბეჭდილება იყო ხედი თვითმფრინავიდან, სანამ თბილისში ჩამოვიდოდი. თოვლით მოფენილმა მბზინვარე კავკასიონის ქედმა და ლამაზმა ტყეებმა გამაოცა.  თუმცა, ჩემზე კიდევ უფრო დიდი შთაბეჭდილება მოახდინა მთიან რეგიონებში ხეობის პირამდე მისულმა, კარგად გაშენებულმა ვენახებმა. ამან მაჩვენა ქართველი ხალხის გულმოდგინება და ვიგრძენი ერთგვარი სიმპათია, რადგან ძალიან ჰგავდა ბრინჯის ყანებს იაპონიაში.

მეორე შთაბეჭდილება იყო ქართული სტუმართმოყვარეობა, რომელიც მრავალ უცხოელს აოცებს. იაპონელი ხალხიც ძალიან ამაყობს თავიანთი სტუმართმოყვარეობით (ომოტენაში), რომელიც პირველ რიგში სტუმრისადმი პატივისცემით მოპყრობას ითვალისწინებს, თუმცა ქართული „სტუმარ-მასპინძლობა“ უფრო პროაქტიული და გულუხვია მეგობრული დამოკიდებულებით. ქართველი ხალხი ძალიან მეგობრულია და სტუმრებს ყოველთვის ღიმილით ეგებება. ხშირ შემთხვევაში აღმოვაჩინე, რომ ადამიანები ერთმანეთის მიმართ თავაზიანები არიან (გარდა საცობებისა...) და მათ საუბრებში ხშირად მესმის „კი ბატონო!“. ამგვარი თავაზიანობა ძალიან ახლო და კომფორტულია იაპონელი ხალხისთვის, რადგან ჩვენ მსგავსი კულტურა გვაქვს.

ელჩი აშოტ სმბატიანი: „ჩვენი ინიციატივა სამხრეთ კავკასიას აღმოსავლეთ-დასავლეთის, ჩრდილოეთ-სამხრეთის გზაჯვარედინად გადააქცევს, როგორც ეს საუკუნეების მანძილზე იყო"

07.12.2023 (Caucasian Journal)  Caucasian Journal-ისთვის პატივია მიესალმოს მის აღმატებულება აშოტ სმბატიანს, სომხეთის ელჩს საქართველოში და უნგრეთში.

▶ In English: ინგლისური ვერსია წაიკითხეთ აქ. 

ალექსანდრე კაფკა, კავკასიური ჟურნალის მთავარი რედაქტორი: თქვენო აღმატებულებავ, კეთილი იყოს თქვენი მობრძანება კავკასიურ  ჟურნალში. ეს ინტერვიუ ჩვენთვის განსაკუთრებულია, რადგან ჩვენი ჟურნალის ერთ-ერთი მიზანია მხარი დაუჭიროს ჩვენი რეგიონის ხალხებს შორის მრავალსაუკუნოვან კავშირებს, გაიზიაროს მიღწევები და განიხილოს აქტუალური პრობლემების გადაჭრის შესაძლებლობები. ასე რომ, როცა ამ ინტერვიუს კონცეფციას ვგეგმავდი, მინდოდა შემომეთავაზა სადისკუსიო ორი ძირითადი თემა: ბოლო დროს განვითარებული მოვლენების შედეგები მთიან ყარაბაღში და სომხეთსა და საქართველოს შორის ურთიერთობები. თქვენ შეგიძლიათ შემისწორო,სხვა თემებზე გადამიწოდოთ, მაგრამ ნება მომეცით დავიწყო თანაგრძნობის გამოხატვით 100 000-ზე მეტ სომეხის მიმართ, რომლებიც იძულებულნი გახდნენ დაეტოვებინათ არცახი   (მთიანი ყარაბაღი) და ახლა ძალიან შორს არიან თავიანთი სამშობლოდან. როგორ განმარტავდით ამას, როგორც დიპლომატი და როგორც ადამიანი?

აშოტ სმბატიანი: - პირველ რიგში, ნება მიბოძეთ მადლობა გადაგიხადოთ ამ შესაძლებლობისთვის. ერთი წელი გავიდა მას შემდეგ, რაც საქართველოში სომხეთის რესპუბლიკის ელჩად დავინიშნე და ვფიქრობ, ეს არის კარგი შესაძლებლობა, შევაჯამოთ ის პროგრესი, რაც წელს დავაფიქსირეთ.

ელჩი პეტრ კუბერნატი: “ჩვენი უმთავრესი პრიორიტეტი არის ხელი შევუწყოთ საქართველოს ევროკავშირში ინტეგრაციას - თუ ამის სურვილი აქვთ“

18.11.2023 (Caucasian Journal)  დღეს Caucasian Journal-ს აქვს პატივი ესაუბროს მის აღმატებულება პეტრ კუბერნატს, ჩეხეთის რესპუბლიკის ახლად დანიშნულ ელჩს საქართველოში. დიპლომატიური მისია მან მიმდინარე წლის აგვისტოში დაიწყო. ბატონ კუბერნატს აქვს დიდი გამოცდილება დიპლომატიურ და სხვა სამთავრობო სამსახურში საქმიანობის, ისევე როგორც კერძო სექტორში.

▶ In English: ინგლისური ვერსია წაიკითხეთ აქ. 

ალექსანდრე კაფკა, Caucasian Journal-ის მთავარი რედაქტორი: თქვენო აღმატებულებავ, კეთილი იყოს თქვენი მობრძანება საქართველოში და Caucasian Journal-ში, მადლობას გიხდით ჩვენი მკითხველების მიმართ გამოჩენილი ყურადღებისთვის. პირველ რიგში, ნება მომეცით, მოგილოცოთ ჩეხეთის ეროვნული დღესასწაული - თავისუფლებისა და დემოკრატიის დღე - რომელიც აღინიშნება 17 ნოემბერს. თუ მართალი ვარ, მთელი თქვენი კარიერის განმავლობაში, ძირითადად, დასავლეთ ევროპაში საქმიანობდით. საქართველო გამოუკვლევ/შეუსწავლელ/უცნობ ტერიტორიად ხომ არ მიგაჩნიათ? 

პეტრ კუბერნატი: საქართველოში პირველად 1982 წელს ვიყავი. ეს იყო კიევის ტარას შევჩენკოს სახელობის უნივერსიტეტში სწავლის პერიოდში. იქ ვეუფლებოდი საერთაშორისო სამართალსა და საერთაშორისო ურთიერთობებს, ხოლო ჩემი ძირითადი მიმართულება საერთაშორისო ეკონომიკური ურთიერთობები იყო. ერთ მეგობართან ერთად გადავწყვიტე უკრაინის გარეთაც მომენახულებინა საინტერესო ადგილები. ასე წავედით კავკასიის რესპუბლიკებში, დავიწყეთ თბილისით და გავაგრძელეთ ერევანსა და ბაქოში. 

მას მერე 40 წელიწადზე მეტი გავიდა. დღემდე მახსოვს „ტარხუნა“ - ის მწვანე ლიმონათი. ძალიან მომწონს და მიხარია, რომ ისევ  ვიპოვე. იმ პერიოდში, მახსოვს, რომ უკვე არსებობდა ქანდაკება - ქართლის დედა, რომელიც დღესაც ადგილზეა. მახსოვს რუსთაველის გამზირი, რომელიც ძალიან ლამაზი იყო და დღეს, ჩემი აზრით, გაცილებით ლამაზი და მშვენიერია. თუმცა, სხვა ყველაფერი შეიცვალა - შეიცვალა დადებითი მიმართულებით, მათ შორის ხალხიც. ასე რომ, მეორედ ვარ საქართველოში.

ლევან დოლიძე: "პოლიტიკა რომელიც ხელს უწყობს საზოგადოების დაყოფას სხვადასხვა ქვეყნების აგენტებად, პატრიოტებად და მოღალატეებად ასუსტებს ქვეყანას"

29.03.2023 (Caucasian Journal) კავკასიური ჟურნალი აგრძელებს ინტერვიუების სერიას საქართველოს წამყვან პოლიტიკურ ექსპერტებთან: ჩვენი დღევანდელი რესპოდენტია ლევან დოლიძე, საქართველოს სტრატეგიისა და განვითარების ცენტრის (GCSD) დამფუძნებელი.

მანამდე, სხვა მრავალ თანამდებობასთან ერთად, ბატონი დოლიძე იყო საქართველოს ელჩი ნატოში და საქართველოს თავდაცვის მინისტრის პირველი მოადგილე.

▶ In English: ინგლისური ვერსია წაიკითხეთ აქ. 

ალექსანდრე კაფკა, კავკასიური ჟურნალის მთავარი რედაქტორი:   მოგესალმებით კავკასიურ ჟურნალში, ბატონო ლევან. დასაწყისისთვის შეიძლება გკითხოთ გერმანიის საგარეო საქმეთა მინისტრის, ანალენა ბერბოკის საქართველოში ბოლო ვიზიტის შესახებ? როგორ შეაფასებდით ვიზიტის პოლიტიკურ მნიშვნელობას და მიზანს?

ლევან დოლიძე: მადლობას მოგახსენებთ დაინტერესებისთვის და ამ შესაძლებლობისთვის!

ვფიქრობ, ვიზიტი მნიშვნელოვანი იყო, როგორც დროის ასევე მის ფარგლებში გახმოვანებული პოლიტიკური გზავნილების თვალსაზრისით. გერმანია იმ დასავლეთ ევროპულ სახელმწიფოებს შორისაა, რომლის ლიდერები ყოველთვის მეტი სიფრთხილით საუბროდნენ საქართველოს ევროკავშირში გაწევრიანებაზე პერსპექტივებზე. დღეს კი არსებით ცვლილებას ვხედავთ ამ მხრივ. განცხადებები, რომელიც გერმანიის საგარეო საქმეთა მინისტრმა თბილისში გააკეთა კიდევ ერთი დასტურია ევროკავშირის პოლიტიკის ცვლილებისა აღმოსავლეთ პარტნიორობის სამი ქვეყნის, მათ შორის, საქართველოს  ინტეგრაციის დინამიკასთან მიმართებით. მინისტრის განცხადება, რომ გერმანიას საქართველოს ევროკავშირში ხილვა სურს მკაფიოდ წარმოაჩენს იმ ისტორიულ შესაძლებლობას, რომელიც საქართველოს მიეცა.